• უზრუნველყოფს ტექნიკური მომსახურების, პროფილაქტიკური და სარემონტო სამუშაოების დაგეგმვას, კოორდინაციას და შესრულების კონტროლს ცვლაში.

• ახორციელებს ყველა ტექნიკურ სამუშაოსთან დაკავშირებული Work Order (WO)-ის მონიტორინგსა და კონტროლს, გახსნიდან საბოლოო დახურვამდე.

• მჭიდროდ თანამშრომლობს საწყობის გუნდთან, რათა უზრუნველყოს სათადარიგო ნაწილებისა და მასალების დროული ხელმისაწვდომობა დაგეგმილი სამუშაოების შეუფერხებლად შესასრულებლად.

• თანამშრომლობს დაგეგმარების გუნდთან და უზრუნველყოფს ცვლაში დაგეგმილი სამუშაოების დროულ და ეფექტურ შესრულებას.

• ხელმძღვანელობს საპორტო ტექნიკის პრევენციულ ტექნიკურ მომსახურებას, დიაგნოსტიკას, პროფილაქტიკურ და სარემონტო სამუშაოებს.

საპორტო ტექნიკა და დანადგარები: პასუხისმგებელია შემდეგი ტექნიკისა და დანადგარების ტექნიკურ გამართულობაზე და მომსახურებაზე:

• მობილური და სარკინიგზო ამწეები;

• სპრედერები, RAM სპრედერები და გრეიფერები;

• არაგაბარიტული კონტეინერების გადასატვირთი ჩარჩოები (OHF);

• ბუნკერები და მტვრიანი ტვირთების გადატვირთვისას გამოსაყენებელი წყლის გამფრქვევი სისტემები;

• ავტომტვირთველები;

• ტერმინალის ტრაქტორები და მისაბმელები;

• ექსკავატორები, ციცხვიანი დამტვირთველები და სხვა სპეციალური დანიშნულების ტექნიკა;

• ევაკუატორები, სიმაღლეზე სამუშაოდ განკუთვნილი ავტოამწეები, საწვავით გასამართი მანქანები;

• ნაგავმზიდი და სახვეტი მანქანები;

• საამქროებში არსებული დანადგარები, მათ შორის ტელფერები, კომპრესორები და ბორბლების დასაშლელ-ასაწყობი დაზგები.

• კოორდინაციას უწევს ოპერაციების გუნდთან ტექნიკის სარემონტო სამუშაოებზე გადმოყვანასა და ექსპლუატაციაში დაბრუნებას.

• უზრუნველყოფს შესაბამის სისტემებში ტექნიკის მიღება-ჩაბარებისა და სამუშაოების შესრულების დროების სწორად აღრიცხვას.

• მუშაობს IFS CMMS სისტემაში, სადაც:

  • აფიქსირებს ტექნიკის გაუმართაობებს (Fault Reports);

  • ანახლებს და აკონტროლებს ინფორმაციას სამუშაო ორდერებში;

  • ამოწმებს შესრულებული სამუშაოს დოკუმენტაციას;

  • ახორციელებს WO-ების ავტორიზაციასა და დახურვას;

  • აღრიცხავს ტექნიკის მწყობრიდან გამოსვლისა და მწყობრში დაბრუნების პერიოდებს.

გუნდის მართვა და უსაფრთხოება

• ხელმძღვანელობს ცვლაში მომუშავე მის დაქვემდებარებაში მყოფ თანამშრომლებს.

• ამზადებს რისკების შეფასებებსა და სტანდარტულ საოპერაციო პროცედურებს (SOP).

• ატარებს უსაფრთხოების ინსტრუქტაჟებს და უზრუნველყოფს უსაფრთხოების მოთხოვნების, პროცედურებისა და რისკების შეფასებების შესრულებას.

• უფლებამოსილია შეაჩეროს ნებისმიერი სამუშაო ან ტექნიკის ექსპლუატაცია, თუ არსებობს ინციდენტის ან ავარიის რისკი.

• ნებისმიერი ინციდენტის შემთხვევაში დაუყოვნებლივ აცნობებს შესაბამის მენეჯერს და მონაწილეობს შემდგომი პრევენციული ღონისძიებების გატარებაში.